តើប្អូនៗដែលជាសិស្សានុសិស្សនៅថ្នាក់វិទ្យាល័យ និងប្អូនៗដែលទើបតែប្រឡងបាក់ឌុបចប់ថ្មីៗនេះ មានបំណងចង់ស្វែករកនូវព័ត៌មានផ្សេងៗ និងគន្លឹះល្អៗដែលទាក់ទងទៅនឹង ការជ្រើសរើសជំនាញនៅថ្នាក់សាកលវិទ្យាល័យ ការចូលរួមការងារស្ម័គ្រចិត្ត និងឱកាសហាត់ការងារផ្សេងៗពេលកំពុងសិក្សាថ្នាក់សាកលវិទ្យាល័យមែនទេ?  

ដោយដឹងថាសិស្សានុសិស្សជាច្រើនរូបបន្ទាប់ពីប្រឡងបាក់ឌុបចប់ តែងតែមាននូវការស្រពិចស្រពិល  ការខ្វល់ខ្វាយថាតើពួកគេគួរធ្វើអ្វីបន្ទាប់ ដូចជាការជ្រើសរើសមុខជំនាញដើម្បីសិក្សាដែលត្រូវនឹងចំណង់ចំណូលចិត្ត ក៏ដូចជាការព្រួយបារម្ភថា តើពួកគេគួរធ្វើអ្វីបន្ទាប់ទៅទៀតនៅពេលដែលកំពុងតែឈានចូលថ្នាក់សាកលវិទ្យាល័យហើយនោះ។  

WEduShare បានរៀបចំនូវសិក្ខាសាលាមួយដែលស្តីអំពី "តើគួរធ្វើអ្វីបន្ទាប់ពីប្រឡងចប់បាក់ឌុប?" ដើម្បីបើកឱកាសដល់ប្អូនៗដែលមានចម្ងល់ទាក់ទងនឹងបញ្ហាខាងលើ និងចង់ស្វែងយល់បន្ថែមពីព័ត៌មាន ដើម្បីដោះស្រាយនូវចម្ងល់ដែលធ្វើឱ្យមានការស្រពិចស្រពិលដល់ការរៀបចំផែនការក្រោយបញ្ចប់ថ្នាក់វិទ្យាល័យរបស់ខ្លួន។ បន្ថែមពីនេះយើងក៏បានអញ្ជើញវាគ្មិនមួយរូប ដែលលោកនឹងចូលខ្លួនផ្តល់នូវមតិយោបល់ និងធ្វើការចែករំលែកបទពិសោធន៍ទៅដល់ប្អូនៗទាំងអស់គ្នា ។    

នៅក្នុងសិក្ខាសាលានោះដែរយើងនឹងផ្ដោតសំខាន់ទៅលើចំណុច៣ធំៗគឺ៖ 

• ទី១ ទាក់ទងទៅនឹងការជ្រើសរើសមុខជំនាញ៖ ការជ្រើសរើសមុខជំនាញដែលសាកសម និងត្រឹមត្រូវសម្រាប់ប្អូនៗ តម្រូវឲ្យប្អូនៗធ្វើការគិតពិចារណាយ៉ាងល្អិតល្អន់ និងសីុជម្រៅមុនពេលសម្រេចចិត្តក្នុងការចុះឈ្មោះចូលរៀននៅក្នុងសាកលវិទ្យាល័យណាមួយបន្ទាប់ពីបញ្ចប់ការប្រឡងថ្នាក់ទី១២។ ការជ្រើសរើសជំនាញមិនត្រឹមត្រូវអាចធ្វើឲ្យប្អូនខាតបង់នូវពេលវេលា និង ថវិកា បាត់បង់ទំនុកចិត្ត ជាពិសេសប៉ះពាល់ដល់ផ្លូវចិត្តក្នុងពេលសិក្សាជំនាញនោះផងដែរ។ មានកត្តាមួយចំនួនដែលយើងអាចធ្វើការឆ្លុះបញ្ចាំង ដើម្បីជាជំនួយក្នុងការជ្រើសរើសមុខជំនាញសិក្សា នៅក្នុងនោះដែរមានកត្តាមួយចំនួនដូចជា ការស្វែងយល់ពីជំនាញដែលខ្លួនឯងចូលចិត្ត ឬមុខវិជ្ជាដែលខ្លួនរៀនពូកែនៅថ្នាក់វិទ្យាល័យបន្ទាប់មកអាចធ្វើការពិភាក្សាជាមួយនឹងរៀមច្បងដែលគាត់មានបទពិសោធន៍ ឬក៏អាចពិភាក្សាជាមួយនឹង ប៉ា ម៉ាក់ មិត្តភក្តិ ឬអ្នកអាជីពដែលមានជំនាញទាក់ទងទៅនឹងការជ្រើសរើសជំនាញផងដែរ។ 
• ទី២ ទាក់ទងទៅនឹងការងារស្ម័គ្រចិត្ត៖  ការចេញទៅសង្គមខាងក្រៅ ការចូលរួមជួយសង្គម គឺជាការធ្វើការងារស្ម័គ្រចិត្ត ដែលវាជាវិធីសាស្រ្ដដ៏ល្អក្នុងការស្វែងរកខ្លួនឯង និងហ៊ានសាកល្បងនូវអ្វីដែលថ្មីៗ ដែលយើងពុំដែលធ្វើពីមុនមក។ ម្យ៉ាងទៀតការងារស្ម័គ្រចិត្តអាចជួយបណ្ដុះនូវជំនាញបំណិនជីវីត ដែលយើងហៅថាជំនាញទន់ដូចជា ជំនាញទំនាក់ទំនង ភាពជាអ្នកដឹកនាំ ជំនាញដោះស្រាយបញ្ហា និងការធ្វើការងារជាក្រុមជាដើម។ 
• ទី៣ ទាក់ទងទៅនឹងការហាត់ការងារ៖ កំឡុងពេលសិក្សាសិស្សានុសិស្សក៏អាចស្វែងរកនូវឱកាសហាត់ការផ្សេងៗ ដែលទាក់ទងទៅនឹងជំនាញដែលខ្លួនរៀន ដើម្បីពង្រឹងនូវសមត្ថភាព ចំណេះ និងជំនាញ និងជាពិសេសវាក៏អាចជាការដែលអាចធ្វើឱ្យសិស្សានុសិស្សទទួលបាននូវបទពិសោធន៍ក្នុងសង្គមការងារផងដែរ។ 

ដូច្នេះហើយក្នុងឱកាសដ៏ពិសេសនេះ WEduShare បានរៀបចំសិក្ខាសាលាមួយស្ដីអំពី៖ "តើគួរធ្វើអ្វីបន្ទាប់ពីប្រឡងចប់បាក់ឌុប What Should You Do After BacII?"

• ការជ្រើសរើសជំនាញ | Major Selection 
• ការងារស្ម័គ្រចិត្ត | Volunteerism
• ការហាត់ការងារ | Internship 

ដោយមានការចូលរួមពីវាគ្មិនកិត្តិយសគឺ លោកហៀក ណារ៉ាត់ដែលជានិស្សិតបានបញ្ចប់ការសិក្សាថ្នាក់បរិញ្ញាបត្រផ្នែកអប់រំអក្សរសាស្ត្រអង់គ្លេស នៅឯវិទ្យាស្ថានភាសាបរទេស និងបរិញ្ញាបត្រផ្នែកវិទ្យាសាស្ត្រ ការគ្រប់គ្រង់គម្រោងផែនការទីក្រុងវ័យឆ្លាត នៅសាកលវិទ្យាល័យជាតិគ្រប់គ្រង និងបច្ចុប្បន្នជាគ្រូបង្រៀនភាសាអង់គ្លេស នៅមជ្ឈមណ្ឌលភាសា អេ អាយ អាយ ។ 

📌 ងាយស្រួល!!! ដើម្បីចូលរួមសិក្ខាសាលានេះដោយអ្នកទាំងអស់គ្នា គ្រាន់តែធ្វើការចុះឈ្មោះតាមរយៈតំណភ្ជាប់ខាងក្រោមនេះរួចជាការស្រេច៖ https://forms.office.com/r/SgCeaEFibW

សិក្ខាសាលានេះត្រូវបានរៀបចំឡើងដោយ WEduShare ហើយធ្វើផ្ទាល់នៅ：

📍អាគារ GIA TOWER ជាន់ទី 38 (កោះពេជ្រ)

🗓 កាលបរិចេ្ឆទ: ថ្ងៃ សៅរ៍ ទី 18 ខែ វិច្ឆិកា ឆ្នាំ ២០២៣

🕟 ពេលវេលា: 2:00- 4:00 (ល្ងាច)

📞លេខទូរស័ព្ទទំនាក់ទំនង: 017 54 83 54 | 081 63 63 60

✅ ចូលរួមដោយសេរី 

» ចូលរួម Telegram Workshop Group Channel តាមរយៈតំណភ្ជាប់សម្រាប់ព័ត៌មានបន្ថែម: https://t.me/+oP8WIVmudzQyYTU1

Powered by Froala Editor