អំពីអាហារូបករណ៍
កម្មវិធីអភិវឌ្ឍន៍ធនធានមនុស្សក្នុងផ្នែកឌីជីថលរបស់គម្រោងអភិវឌ្ឍន៍ជំនាញការងារឌីជីថល USAID នឹងផ្តល់អាហារូបករណ៍ (ដែលនឹងចាប់ផ្តើមក្នុងខែ កុម្ភៈ ឆ្នាំ 2023) ដល់និស្សិតដែលកំពុងសិក្សាជំនាញវិទ្យាសាស្រ្តកុំព្យូទ័រ ព័ត៌មានវិទ្យា ការសិក្សាពហុព័ត៍មាន(multimedia) ឬសេដ្ឋកិច្ចឌីជីថលនៅតាមសាកលវិទ្យាល័យដៃគូទាំងបី (សាកលវិទ្យាល័យជាតិគ្រប់គ្រង-NUM, សាកលវិទ្យាល័យជាតិបាត់ដំបង-NUBB, សាកលវិទ្យាល័យស្វាយរៀង-SRU)។
សម្រាប់ឆ្នាំ 2023 យើងនឹងផ្តល់អាហារូបករណ៍រហូតទៅដល់75កន្លែងដល់សិស្សនិស្សិតកម្ពុជាដែលមានលក្ខខណ្ឌសមស្របនឹងលក្ខខណ្ឌរបស់កម្មវិធីអាហារូបរណ៍ (អាចជាសិស្សនិស្សិតដែលបានចុះឈ្មោះរៀនឬគ្រោងនឹងចុះឈ្មោះចូលរៀននៅសាកលវិទ្យាល័យណាមួយក្នុងចំណោមសាកលវិទ្យាល័យទាំងបីខាងលើ ក្នុងឆ្នាំសិក្សា 2023)។ របបអាហារូបករណ៍គឺមានទាំងសម្រាប់ថ្នាក់បរិញ្ញាបត្ររងរយៈពេល 2 ឆ្នាំ និងថ្នាក់បរិញ្ញាបត្ររយៈពេល 4ឬ5 ឆ្នាំ។ ប្រសិនជាអ្នកចង់ដឹងអំពីព័ត៍មានអាហារូបករណ៍បន្ថែមទៀតសូមចុចតំណភ្ជាប់នេះ៖ USAID_DWD_Scholarship
***គ្រប់ព័ត៍មាននិងតម្រង់ទំាងអស់នៃអាហារូបករណ៍គឺពុំមានបង់ប្រាក់ទេ។
កមិ្រតនិងមុខវិជ្ជាសិក្សា
អាហារូបករណ៍ផ្តល់សម្រាប់ថ្នាក់បរិញ្ញាបត្ររង និងបរិញ្ញាបត្រដែលពាក់ព័ន្ធនឹងមុខវិជ្ជា ឌីជីថល បច្ចេកវិទ្យាពត៌មាននិងសារគមនាគមន៍ (ICT) និងពត៌មានវិទ្យា (IT) នៅសាកលវិទ្យាល័យទាំងបីខាងលើ។
តើអ្នកណាខ្លះអាចដាក់ពាក្យស្នើរអាហារូបករណ៍បាន?
- សិស្ស និស្សិតថ្មីដែលមានបំណងចុះឈ្មោះរៀនបរិញ្ញាបត្ររង និងបរិញ្ញាបត្រផ្នែក ឌីជីថល និងពត៌មានវិទ្យា
- និស្សិតដែលកំពុងសិក្សាឆ្នាំទី1 ដល់ ទី4 នៅក្នុងចំណោមសាកលវិទ្យាល័យទាំងបីខាងលើ
លក្ខខណ្ឌតម្រូវសម្រាប់ស្នើរអាហារូបករណ៍
សម្រាប់សិស្ស និស្សិតថ្មី
- បរិញ្ញាបត្ររង (2ឆ្នាំ)៖ បញ្ចប់ថ្នាក់ទី12 (គ្រប់និទ្ទេស)
- បរិញ្ញាបត្រ (4ឆ្នាំ)៖ បញ្ចប់ថ្នាក់ទី12 (និទ្ទេស A-D)
- បំពេញលក្ខខណ្ឌតម្រូវសម្រាប់ការទទួលចូលរៀន ឬជាប់តេស្តប្រឡងចូលដែលរៀបចំឡើងដោយសាកលវិទ្យាល័យដែគូរ
សម្រាប់និស្សិតកំពុងសិក្សាឆ្នាំទី2 ដល់ ទី4
- បំពេញលក្ខខណ្ឌទទួលចូលរៀនកំណត់ដោយសាកលវិទ្យាល័យដែគូរ និងមាន GPA ប្រចាំឆ្នាំចាប់ពី 3.0 ។
ចុចទីនេះសម្រាប់ពត៌មានលម្អិត និងឯកសារនិងរបៀបស្នើរអាហារូបករណ៍
Powered by Froala Editor